លោក សាយ រតនៈ បង្ហើបរឿងមួយ ដែលធ្វើឲ្យលោកមិនទាន់មានជម្រកផ្ទាល់ខ្លួនផង

114

លោក សាយ រតនៈ ជាពីធីករល្បីមួយរូបរបស់ស្ថានីយ៍ទូរទស្សន៍ក្នុងស្រុកមួយ ដែលមានប្រជាប្រិយភាពក្នុងវិស័យសិល្បៈ អស់រយះពេលជាយូរឆ្នាំមកហើយ ក្នុងកម្មវិធីកម្សាន្តមួយចុងសប្តាហ៍ ។ នៅពីក្រោយនៃភាពជោគជ័យ ក្នុងវិស័យសិល្បៈ លោកមានបង្ហាញពីអារម្មណ៍មួយដែល លោកមិនទាន់បានស្គាល់ដូចអ្នកសិល្បៈមួយចំនួននោះទេ ។

កាលពីថ្ងៃទី១៧ កញ្ញា ឆ្នាំ២០១៨ លោក សាយ រតនៈ បាន​ត្អូញត្អែរនៅ​លើ​គណនី​ហ្វេ​ស​ប៊ុ​កផ្ទាល់រប​ស់លោកថា «​អ្វី​ដែល​ខ្ញុំ​ខ្លាច​ជាងគេ​បំផុត​ក្នុង​ជីវិត គឺ​ជាប់បំណុលគេ តែ​ឥឡូវ​…. តាំងពី​ចាប់កំណើត​រហូត​មក​ដល់​ពេល​នេះ គឺ​មិន​ទាន់​ស្គាល់​ទេ នូវ​ទឹកប្រាក់​ដ៏​ច្រើន​សន្ធឹកសន្ធាប់ រហូត​ដល់​រាប់​ម៉ឺន​ដុល្លារ សូ​ម្បី​ជម្រក​ដ៏​តូច​ល្មម​មួយ ក៏​មិន​ទាន់​មាន​លទ្ធភាព​ទិញ​នៅ​ផ្ទាល់ខ្លួន​ផង ប៉ុន្តែ​កាតព្វកិច្ច​ជា​កូន ចាំបាច់​ដាច់ខាត​ត្រូវ​តែ​ទទួល​រង ជំនួស​នូវ​អ្វី​ដែល​ជា​ភាព​លំបាក​របស់​លោក​អ្នក​មានគុណ ទោះ​ទម្ងន់​នោះ​ធ្ងន់​យ៉ាងណា​ក៏​ដោយ​។ “​គ្មាន​គុណ​ណា ស្មើ​គុណ​ឪពុក​ម្តាយ​ឡើយ​” កូនប្រុស​ម្នាក់​នេះ ពិតជា​អន់​ពេក​ហើយ ដែល​មិន​អាច​ដោះស្រាយ​ក្នុង​ពេល​ដ៏​ខ្លី​បាន​!»​។

គួររម្លឹកថា លោក សាយ រតនៈ ​ទើបនឹងបានចេញពីការ​សម្រាក​ក្នុង​មន្ទីរពេទ្យមួយក្នុងរាជធានីភ្នំពេញអស់​​មួយ​រយៈ ដោយសារ​តែ​ជំងឺ​បាក់ទឹកចិត្ត ព្រោះតែលោកទទួលរងនូវសម្ពាធផ្លូវចិត្តច្រើន ដែលពេលនេះ​មិន​ទាន់​សន្មត់​បាន​ថា ជា​សះស្បើយ​នៅឡើយ​នោះ​ទេ​៕

Picture Source : Say Ratanak top