ក្មេង​ស្រី​កំព្រាម្តាយ​ម្នាក់​នេះ​បកស្រាយ​បទ «​អ្នក​ម្ដាយ​កម្សត់​» ធ្វើ​ឲ្យ Coaches ៣ ទប់ចិត្ត​មិន​បាន

1414

ជា​បេ​ក្ខ​នារី​មួយ​រូប​នៃ​កម្មវិធី​ប្រឡង​ចម្រៀង​លំដាប់ថ្នាក់​អន្តរជាតិ The Voice Kids Cambodia រដូវ​កាល​ទី ២ មក​ពី​ខេត្តបាត់ដំបង បាន​ធ្វើ​ឲ្យ​អ្នក​ទស្សនា​ទះដៃ​កោតសរសើរ​នឹង​សម្លេង​ដ៏​ស្រទន់ ពេល​ដែល​នាង​ចាប់ផ្តើម​បកស្រាយ​នូវ​ចម្រៀង​មួយ​បទ ដែល​មាន​ចំណងជើង​ថា «​អ្នក​ម្ដាយ​កម្សត់​» ហើយ​អ្វី​ដែល​កាន់តែ​ពិសេស​នោះ គឺ​ក្មេង​ស្រី​រូប​នេះ​បាន​អន្ទង​ចិត្ត Coaches ទាំង ៣ គឺ​កញ្ញា ឱ​ក សុគន្ធ​កញ្ញា លោក​ព្រាប សុ​វ​ត្តិ និង​កញ្ញា សួ​ស វី​ស្សា គោះ​ប៊ូ​តុង​ដណ្តើម​យក​ក្មេង​ស្រី​រូប​នេះ​ចូល​ក្នុង​ក្រុម​របស់​ខ្លួន ។

ក្មេង​ស្រី​វ័យ ១៤ ឆ្នាំ ម៉ៅ ចិន្តា មក​ពី​ខេត្តបាត់ដំបង​ដែល​កំព្រាម្តាយ (​ឪពុក​-​ម្តាយ​បែកបាក់​គ្នា​) បាន​បង្ហើរ​សម្លេង​យ៉ាង​ក្រអួន​ក្រអៅ អម​ជាមួយនឹង​ការ​ដាក់​មនោសញ្ចេតនា​បាន​យ៉ាង​ល្អ ជា​ពិសេស​ការ​ស្រែក​តម្អូញតម្អែរ បកស្រាយ​បទ​ចម្រៀង «​អ្នក​ម្ដាយ​កម្សត់​» សម្រាប់​វគ្គ The Blind Audition ស​ប្តា​ហ៍​ទី ៦ ដែល​បាន​ចាក់​ផ្សាយ​នៅ​កញ្ចក់​ទូរទស្សន៍​ក្នុងស្រុក​កាលពី​រាត្រី​ថ្ងៃ សៅរ៍ ទី ២២ ខែកញ្ញា ឆ្នាំ ២០១៨ នេះ ។

គ្រាន់តែ​បកស្រាយ​បទ​ចម្រៀង​ចប់​ភ្លាម Coach កញ្ញា ឱ​ក សុគន្ធ​កញ្ញា បាន​បញ្ចេញ​ខម​មិន​ពេញចិត្ត​ចំពោះ​សម្លេង​ប្អូនស្រី ម៉ៅ ចិន្តា ដែល​បាន​ធ្វើ​យ៉ាង​ល្អ​សម្រាប់​ការ​បកស្រាយ​នូវ​បទ​ចម្រៀង​មនោសញ្ចេតនា មួយ​បទ​នេះ ជា​ពិសេស​គឺ​ប្អូនស្រី​ចិន្តា «​មាន​ទឹកដម​សម្លេង​ល្អ ហើយ vibration ក៏​ល្អ​ទៀត​ចាស ហើយ​ជ្រើសរើស​នូវ​បទ​ចម្រៀង​មួយ​បទ ដែល​យក​មក​ប្រឡង​នៅ​ក្នុងថ្ងៃនេះ​គឺ​ស័​ក្ត​សម​ជាមួយនឹង​សមត្ថភាព​សម្លេង​» ។

ចំណែក​លោក ព្រាប សុ​វ​ត្តិ វិញ​កោតសរសើរ​ចំពោះ​សមត្ថភាព​របស់​ប្អូនស្រី ថា​ចេះ​ប្រើ​សម្លេង​បាន​ល្អ​ដូច​តារាចម្រៀង​អាជីព ហើយ​សម្រស់​វិញ​គឺ​ស្រស់​ស្អាត ។

សម្រាប់​កញ្ញា សួ​ស វី​ស្សា វិញ​ក៏​បាន​លើក​ឡើង​ថា​ប្អូនស្រី ម៉ៅ ចិន្តា ពិតជា​ធ្វើ​បាន​ល្អ ដោយ​មានការ​លើកដាក់​សម្លេង​បាន​ត្រឹមត្រូវ ទន់ភ្លន់ និង​តម្អូញតម្អែរ​បាន​យ៉ាង​ល្អ​តាម​បទ​ចម្រៀង ។ Coach រូប​នេះ​បន្ត​ថា​ក្មេង​ស្រី​រូប​នេះ​ពិតជា​ជ្រើសរើស​បទ​ចម្រៀង​ត្រូវ​នឹង​សម្លេង​របស់​ប្អូន​តែ​ម្តង ។

កាន់តែ​ជក់ចិត្ត ដិតអារម្មណ៍​នោះ គឺ Coach ព្រាប សុវត្ថិ ដែល​សមាជិក​ក្នុង​ក្រុម​ភាគច្រើន​ជា​បុរស ដោយសារ​តែ​ចង់​លួងលោម​ប្អូនស្រី​ឲ្យ​ចូលរួម​ក្រុម​របស់​ខ្លួន បាន​បោះសម្តី​គួរ​ឲ្យ​ខ្នា​ញ់​បំផុត បង្អាប់​ទៅ Coach ឱ​ក សុគន្ធ​កញ្ញា និង កញ្ញា សូ​ស វី​ស្សា ថា Coach ស្រី​ស្អាត​ទាំង​២ មាន​សមាជិក​ក្រុម​ច្រើន​តែ​ជា​កុមារី អ​ញ្ចឹ​ង​ប្អូនស្រី ម៉ៅ ចិន្តា កុំ​ចូល​រូ​ម​ក្រុម​អី គឺ​ដឹង​តែ​គេ​ទម្លាក់​នាង​ចោល​នៅ​វគ្គ The Battle ហើយ ។

យ៉ាងណាមិញ នៅ​ទីបំផុត​ការ​សម្រេចចិត្ត​របស់​បេ​ក្ខ​នារី​វ័យក្មេង​រូប​នេះ​បាន​សម្រេចចិត្ត​ចូល​រួំ​ក្រុម​ជាមួយនឹង Coach សូ​ស វី​ស្សា ។

ចង់​ដឹង​ថា​សម្លេង​ប្អូនស្រី ម៉ៅ ចិន្តា ដែល​រស់នៅ​ជាមួយ​ឪពុក ដែល​មានមុខ​របរ​ធ្វើ​ពាង​លក់ ពិ​រោះ​រណ្តំ សម្លេង​ផ្អែម​ល្អែ​ម និង​អន្លង់​អ​ន្លោ​ច​យ៉ាងណា​ក្នុង​ការ​បកស្រាយ​បទ​ចម្រៀង ដែល​អាច​ទាក់ចិត្ត Coach ទាំង ៣ ឲ្យ​ចុច​ប៊ូ​តុង ដណ្តើម​រួប​នាង តោះ​ទៅ​ទស្សនា​ទាំងអស់​គ្នា ៕

វីដេអូ ៖